viernes, 8 de abril de 2011

El vezu de poner la chaquetiya sobro l'hombru izquierdu


Ye una moda que fosiliza nesta dómina, la década de 1880, aproximadamente. Anteriormente, nos documentos fotográficos de los que tenemos conocimientu, la chaquetiya siempre va vistida.
Hai que tener en cuenta que les romeríes y les fiestes patronales yeren -y tovía son- principalmente nel branu, siendo la meyor ocasión pa llucir un traxe d'aldeana. El calor fai sobrar la chaquetilla y que les aldeanes se despriendan d'ella unes veces, y más comunmente que la doblen y la cuelguen sobro l'hombru izquierdu, pingando hacia alantre la manga izquierda y hacia atrás la derecha.
A partir de 1890 ye mui escepcional ver una aldeana cola chaqueta vistida.

Siguiendo cola semeya, continuamos analizando la indumentaria d'aquella gracies a la bayura de documentos gráficos disponibles.
La moza lleva un traxe de saya y chaquetiya feches na mesma tela y color, adornaes con cuatro cintes de terciopelu negro na saya y dos nel reborde de la chaquetiya. Ente les cintes de la chaquetiya lleva amás lo que paecen ser seis filigranes de pedrería, y esi mesmu motivu repítese na saya ente les cintes primera y segunda y tercera y cuarta.
El dengue, en terciopelu o bayeta negro, va ribetiáu por doble cinta de pasamanería de madroños.
La chambra, fecha probablemente n'algodón, remata les mangues nuna especie de puñu de puñeta.
El mandil, curtiu, rectagular, en rasu o otra tela de seda, lleva tres cintes de terciopelu negro bordeándolu, y como remate una tira d'encaxe.
Lo llargo de la saya nun mos dexa ver el tipu de zapatu que lleva la moza; igualmente'l pañuelu, al ponelu tan atrás malpenes se percibe.
Pa finar, como xoyes lleva unos pendientes, una cinta al pescuezu de la que pinga un camaféu, medalla o bixu, y tamién trai un broche zarrando l'escote del dengue y una llarguísima cadena con reló que, colingando del pescuezu, va a prendese a la cintura.

4 comentarios:

  1. ¡Hola! Lo primero, darte la enhora buena por este blog. ¡Es fantástico! Quería contactar contigo para hacerte un par de consultas pero no he visto ningún dato de contacto o formulario así que lo hago a través de este comentario.

    Estoy interesada en el tema de las medias de las mujeres ya que actualmente hay mucha controversia al respecto (mozas sin medias -las que más-, mozas con medias de hilo/lana -como las de los porruanos, por ejemplo), mozas con medias de nylon negras o medias caladas, de encaje o imitación a encaje en color negro). ¿Cuál es tu opinión? ¿Has investigado algo sobre este tema?

    Muchas gracias por adelantado y de nuevo felicidades.

    Puedes escribirme si quieres a este correo electrónico:
    llanisca81@gmail.com

    Un saludo.

    ResponderEliminar
  2. Hola Llanisca! Préstame muncho que te preste'l blog!
    Mira, en primer llugar la dirección de corréu que uso pal blog ye llendelafaya@gmail.com, y pues preguntame lo que quieras; de toes formes gústame que les consultes seyan públiques, pa que asina la xente puea participar y se forme alderique.

    Respecto a la to entruga sobro les medies, quiero aclarar una cosa: yo faigo esti blog pa falar del orixe y evolución de los traxes d'aldeana, pero nun soi quién pa dicir lo que se debe o nun se debe llevar, simplemente aporto información y que caún/a la utilice como meyor -y convenga. Eso nun quier dicir que yo nun tenga una opinión y unos gustos que dexe entever ca vez qu'escribo.

    Volviendo al tema, les medies, al igual que la ropa interior, nun se ven muncho nes semeyes antigües (especialmente nes decimonóniques) porque la saya llegaba al todíu y les tapaba casi completamente, aparte de la indecencia que constituiría nesa dómina enseñar más arriba.
    La media surde nel s. XVI como prienda masculina al dividise en dos les calces, una especie de leotardos que cubríen del pie a la cintura, quedándo-y a la parte inferior el nome de medies calces (o medies a seques)y a la superior el de calzón. Les muyeres adoptaránles al poco.
    Les clases populares, qu'en munches ocasiones diben descarzos y en pierna, cuando podíen permitíselo, facíenles de llana filao y texío en casa, adornaes con calaos y dibuxos, normalmente nos collores naturales d'esti material(blanco o pardo)y teñíes n'azul, tinte caru, les de más lluxu.
    Menos comunes yeren les de llinu y algodón, y les de seda sólo les clases más poderoses podíen permitíseles.
    Les aldeanes del Bandu de La Magdalena tienen como imaxe distintiva, aparte del clavel colloráu, llevar les medies negres. El nylon hai que tener en cuenta que nun s'empezó a usar hasta la posguerra, y l'encaxe, si bien existe dende va dellos sieglos, nun tengo constancia que s'emplegare pa facer medies hasta entráu'l XX, anque nesti puntu nun toi seguru al 100%.

    Un placer saludate, Llanisca!

    ResponderEliminar
  3. ¡Hola de nuevo!

    Lo primero, muchísimas gracias por contestarme. Me parece muy interesante toda la información que aportas. Como apunte final: supongo que las medias se sujetarían con ligas.

    Siguiendo un poco con esta entrada concreta en la que hablas de la colocación de la chaqueta. Estas últimas semanas estuve revisando fotografías antiguas y, aunque en la mayoría de las fotos en las que la chaqueta va sobre el hombro (y no vestida) va sobre la parte izquierda, he encontrado algunas en las que la chaqueta va igualmente colocada pero en la parte derecha. ¿Sabes si existía alguna razón para llevarla en un lado o en otro o era algo totalmente azaroso? Se me ocurrió que pudiera tener alguna relación con estar casada o soltera, pero he leído el libro de Fe Santoveña sobre la indumentaria popular en el concejo de Llanes y apunta que las mujeres casadas no vestían este traje (aunque especificaba que era para tocar los ramos y no especificaba de qué época se trataba -su estudio parte desde mediados del s. XIX hasta el momento de escribir el libro, 1990-).

    Y un poco en relación con esto, ocurre lo mismo con la banda (el lazo que se coloca anudado al mandil). He visto fotos en las que la banda va colocada al lado derecho y otras en las que va al lado izquierdo. Y la misma duda me asalta respecto al reloj que solemos ver en las fotos, colgando de una cadena y prendido en un lado a la latura de la cintura/cadera (aunque esto del reloj sí supongo que no tendrá ninguna explicación, cada una lo colocaría donde mejor le parecía).

    Por último, felicitarme por tu última entrada en la que hablas de los peinados. Yo a base de revisar fotos y más fotos fui aprendiendo a identificar fotos por el peinado, muy útil en el caso de fotos sin fecha, y ese post que has escrito me parece muy interesante y útil.

    Saludos.

    ResponderEliminar
  4. Un placer volver a saber de ti, Llanisca.

    Como bien dices, les medies, que llegaben hasta la rodiella, atábense con lligues xusto debaxo'l xuegu. Les medies a mediu muslu y los pantys son mui posteriores. Les lligues yeren cintes de collores de llana blanco, azul o encarnao, texíes con peines, y normalmente la moza regalába-yles al mozu.

    Respecto a lo de la chaquetiya, nun momentu determináu empieza a llevase encima l'hombru y fosiliza esa costume, posiblemente por comodidá, al ser la mayoría les fiestes nel branu. Digo fosiliza porque anguaño, nes fiestes qu'hai en plenu iviernu llévenla tamién al hombru cuando por lóxica tendríen que dir vistíes.
    Lo de ponela a un llau o al otru, cuando surde la moda, seguramente sedría indiferente, (posiblemente pa les diestres fuere más fácil colocala nel hombru izquierdu, nun sé).
    Nun creo tampoco que tuviere que ver col estáu civil de la que la llevaba. Pero la cosa ye que s'impunxo'l llevala siempre nel hombru izquierdu, igual que s'impunxo llevar siempre banda nel cadril drechu y una flor prendida na chaquetiya...

    Básicamente lo que quiero dicir ye que lo qu'antiguamente se llevaba con más llibertá, col tiempu fue fosilizando d'una manera determinada, configurando'l traxe d'aldeana como lu conocemos actualmente. Y ye asina hasta'l puntu que si vas güei a una fiesta llanisca con un traxe col pañuelu caláu, la chaquetiya puesta, ensin banda (o con dos)y ensin bordaos de pedrería la xente nun lu reconocería como llaniscu.
    Per otra parte tamién hai que tener cuidáu coles semeyes porque a veces tan invertíes de drecha a izquierda, como si la tuviéremos viendo nun espeyu; nesti sen dalgún lletreru qua'apaeza na mesma pue danos una pista.

    Por último, acerca de lo que me comentes del llibru de Fe Santoveña sobre si les muyeres casaes nun llevaben el traxe d'aldeana ye matizable: les que vemos retrataes d'estudiu pertenecíen, normalmente a clases pudientes y sólo se vistiríen puntualmente, como se fai güei día pal ramu y día la fiesta. Les que pertenecíen a clases más modestes llevaben esti tipu de traxes pero con xénero muncho más basto, tanto solteres como casaes.

    Un saludu, y gracies!

    ResponderEliminar